Phuahtu: Roliana Ralte
Satu: Roliana Ralte
Ka lenrual lungduh, val leng zawngte,
Lanu lamtangin ka dem dawn che;
'Hmeichhia leh palchhia' tih anhla zawng,
Pi leh pu mawl vang zawk mai a lo ni.
I lerh vangin, i lerh vangin,
I lerh vangin, Aw, i lerh vangin;
Parmawi vul lai an chuai zo ta.
Hmangaih biahder thu engah i hlan,
A parmawi lawr duh vangin maw;
Thinlai lung siin i tang a bel,
Kar danah uan nan i hmang leh si.
Mahse, tunah parmawi dang i bel,
Lunglai nat tur reng pawh dawn lo vin;
Zanmu chhing lo te'n tinkim a dawn,
Hringnun a ngui zo, lunglai an chhir.
Nang vang a lo ni i hraidawn chu,
Khuarei kum chang tur tapin a nghak;
"Khaw nge ka zua ve" tia tap chungin,
Zan mu a chhing e, chunnu tang a bel.
I hai si lo, i hai lul lo,
I hai si lo, aw, i hai lul lo,
Nang vang a lo ni, Nau ang an tah.
