Phuahtu: H. Lalringa
Ka dawnin thinlaiah ai ang i cham,
Par ang kan lawm ve lai ka dawnin;
Thinlai kawl ang a hnim tuar har mi u,
I sakhmel tha paw, aw, chul thei dawn lo.
Aw, khawvel ka tan chuan nau ang tahna,
I hlimthla te mai maw ka chan tawk;
Tahlaini tam nan reng ka chawi thin a,
I sakhmel tha par, aw, chul thei dawn lo.
Chhak leh thlang, chhim leh hmar fang mah ila,
Ka tawng bil lo'ng nang ang lungrunpui;
Van a duai hmangaihna kan hril dun kha,
I sakhmel tha par, aw, chul thei dawn lo.
Lenlai khua a tlai ta sawilai, Parte,
Vawi khat tal ka biangah min fawp rawh;
"Dam takin," tih chauh hi ka hmachhuan e,
I sakhmel tha par, aw, chul thei dawn lo.
