Satu: T Lalengzauva
Rorel turin a lo kal dawn i inring em?
Authawm leh tawtawrawt, vantirhkoh aw nen;
Lei leh van pawh hlauvin an khur ang,
Unau, i dinna hmun a muang em?
Kei chu ka him, ka muang, ka hlim em em asin,
Hun harsa leh hun rapthlak pawh lo thleng se;
Thlipui leh ruahpui ten min nuai mahse,
Ka dinna Krista lungpui a ni.
Aw, hun rapthlak tak leh rorelna niah,
Mahni felna chhuangtu ten thiamloh changin;
Tlang leh mual hnenah "min delh r'u" tiin,
Lungngai tawpin Krista an hmu ang.
Beramno thinurna lakah tu nge ding zo?
Rorelna hmaah pawh tu nge lang ngam ang?
Chumi niah chuan thihna an zawng ang,
Mahse, thihna chuan a tlansan ang.
