Phuahtu: Rokunga
Lal Davida khawpui vengin tualah tlaini a liam dawnin,
Chhingkhual runah riangtin a liam Mari;
Riah run a chang ve lo bawng in run chhung a bel.
Ngai teh, chu hmun tlawm leh khawharah chuan,
Zankhua a lo tlaiin enna ropui tak chu a lo thleng ta,
Bethlehem bawng inah Lal thar a lo piang ta.
A thlang chuang lo lal in leh hmun ropui,
Hmun tlawm a thlang zawk e, ava mak em chu Lal duhawmber chu,
A hmangaih lei miten amah an duh si lo.
Hmangaihna chu a rawn inlar hma chuan Pa hnena cheng a ni,
Tlantu Pathian mihring a lo chang hi,
Ka in a lo hriatin thinlungin mak a ti.
Aw Lal Isu, nang rawn inlar ang che,
Kan thinlung chhungah hian hriatna thazam thinlung hi phuar vel la,
Min awmpui reng ang che chatuan, chatuan thlengin.
