Phuahtu: Hualrozama
Satu: Hualrozama
Fur khawthiang romei a zam karah,
Lelte di ngai zaitin vawrna;
Hmana zui lai lungdi ngaiin,
Chhuahtlang thing lenbuang zar a bel.
Kimte'n han dawn ila,
Kan tuanna tlang lentu a zing e,
Par ang chul tur i ui lo'm ni,
Hmana di nen kan lenna.
Chhaktiangah ainawn a par vul e,
Kei ka tawnan mai lungruni,
I lo par lung min len turin,
Mahse, phu loh zunleng a ni.
Zantiang ka tawnmang mawlah chuan,
Hal lo thu di kimten kan tiam;
Hai ang thangin laikhum ka chul,
Sakruang nemte ka tawng lo che.
Kei ka ena ainawnparte,
I bahsam, i sakhmel, i anka,
Nghilh ni i awm lo'ng khuareian,
Ka tan i hlu pialral angin.
Fam mah ila i zun ngaiin,
Ngaiin ka au zel valriangan;
Ka chuan zel ang hringlang tlangan,
Thangngo lenmawi ka tawng mahna.
Par ang chul tur i ui lo'm ni,
Hmanah di nen kan lenna.
