Phuahtu: Lalthankima
Satu: Ngurliana Sailo
Thadang ngaih leh romei chhumin,
Kianni reng a nei dawn lo;
Siahthing tang kan lawrna tlang saw,
Nghilh mai hian ka mawi nem aw.
A par mawi vul lai thliah hmain,
Khuandimin a liam ka hlau;
Dil chhin ila a rem lo'm ni,
Kan hel lai Darbiahnemi.
Vatin an cham partin vulna,
I thlir ang kan lenna saw;
Zartin an no, leng thinlai nen,
Thai rel ve i kan runah.
Awmlai ang hian a lo zual e,
Aw, suihlung a leng emai;
Kan lenna tlang dang leh si thin,
Aw, ka au ruai mai ang che.
Bawngte palai i tir ang hmiang,
Lalriang kan vai rei emai;
Min tuahrem se'ng chun leh zua ten,
Run hmuna hlui dun turin.
