Phuahtu: Thartea
Satu: C. Zonunmawia (Mapuia)
Mahriak awmhar run ka nghah chang ni a,
Ka dawn thina ka di sakhmel sensiari kha;
Ka tlei zo si lo a zun ngai reng hianin,
Min han dawn ve maw a thinlai ril thianghlim duhawm khan,
Ka ngai bang thei lo, ka ngai vawng vawng si.
Aw, khawian nge i awm ngaih lungrun?
A na chuang ngei e, i zunleng ngaih hi;
Ka phur zo lo, a na, a na emai.
Chhingmitthlaan a cham reng si kan nuih dun lai,
Tudang ngai lova buan ang kan pawm lai nite;
Nghilh bik lul lo'ng che kumsul tam vei mahse,
Hmangaih luat vang nge thinlai lungruk a phang thin ngei e,
Ka cho zawh loh vang i pawm ka hlau leh thin.
Luaithli nul reng ka bang thei lo nang ngaih luah vangin,
Min dem lul suh ka chun lungmawl nau ang ka tap;
Ka ngai em a ni, ka di lung min hnemtu,
Min ngen sak zawk la i hraileng chawi duhaisam hi,
Ka thai chan ngei nan palai leng tir nang che.
