Phuahtu: C.Lallawmsangi
Satu: PBK Liankhuma
Suangtuahna mitthlain ka thlir thangvansang khi,
Hmangaih lungduh lenrual then takte lenna hmun;
Chatuana chuai lo tur Lalpa buatsaih ram chu,
A mawi, a mawi mang e, ka thlir ning thei lo e.
Tah chuan an leng e, hlim takin,
Lei hringnun reng an ngai tawh lo;
Tlantu Lalpa fakin hlim takin zai an rem,
An hlim zai vawr ri chuan ka lunglai min fan e.
Tap chunga kan then tak, kan hmangaih kalta te,
An lenna rammawi khi ka thlir ning thei lo e;
Hmangaih Lalnunnema'n an lungngaih mittui zawng,
A hruk hul sak tawh si, an thla a muang mang e.
He lei ram atang hian ngaiin au mah ila,
Kir zai an rel lo e, hringnun hnutiang chhawnin;
Hmangaihtu angchhungah hlimtawp hlau tawh loin,
Angelvar rualte nen Lalpa chu an fak za.
Keipawh chu hmun nuam chu ka thlen ve hunah chuan,
Ka lei lungngaih rumna ka Pa hnen ka thlen ang;
Chutin Ani'n hmangaihin min lo kuangkuah ang,
A va hlimawm dawn em, thlen hlan ka nghakhlel e.
